Futbol üzrə Çili millisinin baş məşqçisi Eduardo Berisso istefa verib.
Feso.az-ın məlumatına görə, 54 yaşlı argentinalı mütəxəssis bu barədə DÇ-2026-nın Cənubi Amerika zonası üzrə seçmə mərhələsində Paraqvay ilə heç-heçə (0:0) etdikləri oyundan sonra mətbuat konfransında bildirib.
Doğma meydanda rəqibinin müqavimətini qıra bilməyən Çili yığması 5 oyundan sonra 5 xalla turnir cədvəlinin 8-ci pilləsində qərarlaşıb.
Qeyd edək ki, E.Berisso 2022-ci ilin may ayının sonundan Çili millisinə rəhbərlik edirdi. Komanda onun rəhbərliyi altında keçirdiyi 16 oyunun 4-də qalib gəlib, 5-də heç-heçə edib, 7-də isə uduzub.
DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı saytın bu nömrəsinə göndərə bilərsiniz: (+994 55) 212 35 55 What's app